قصيده في حق شهداء الوطن

ليش ماگلتولهلكم ياامجادي راحلين

امودعين احبابگلبي ولله صعبه امودعين..

ليش عفتونه ابجرحنه الفرگه بينه اموجره...

العيله ماتدرون بيهه اتريدكم ليهم ضره...

صدگ وفيتو العليكم ولحچي صح انجره...

ندري كعبه الوطن عدكم وانتم الّي مخلصين..

ليش ماگلتو لهلكم ياامجادي راحلين ..

امودعين احبابگلبي ولله صعبه امودعين...

احنه ماشفنه شهيد واهله عيب اتشيّعه...

عيب شفنه اگبور مانحصل عليهه امضيّعه...

شفنه التهاجر تودّع وكل محبهه اتودّعه...

اشلون رحتوابلاوداع اشلون تنسون الحنين...

ليش ما گلتو لهلكم ياامجادي راحلين..

امودعين احبابگلبي ولله صعبه امودعين..

ياماگعدنه اوياكم احنه اتذكرو اشگد امسيات..

مااضن تنسون حبكم اولانسيتوالذكريات...

ريت تجمعنه اليالي علوكت بل اتيات...

احنه اتأخرنه ابمشينه وانتم الّي سابقين...

ليش ما گلتو لهلكم ياامجادي راحلين..

امودعين احبابگلبي ولله صعبه امودعين...

امّهات اليوم حزنت علجره وصار وسده...

گصّن اثنين الجدايل ولله ام المسعده...

ورجالكم عل جمر تمشي ولأيادي امحددّه...

صرتو جبلتنه الحقيقه وحنه الكم ساجدين...

ليش ما گلتو لهلكم ياامجادي راحلين..

امودعين احبابگلبي ولله صعبه امودعين..