عاجل
مزيونه الكحل دخان عبادان مزيونهيا رمش العيون اسيوف مسنونه
يحاجب جسر ابواهلالات
يروح الهور،ياكارون وعيونه
مـزيـونـه
ياعشگ الگصب والطين
يا حنة عرس بدموم معجونه
ياساحل شواطي الشوگ
يا غربة طفل ما طبگن اجفونه
يـانبتة امـل يـانــور
الف قصة ابگلبها سنين مدفونه
مـزيـونـه
ياسهرة شمع،يا خـَمرة العشاگ
يا ون وحنين الناي وشجونه
ياشدة ورد يا طيب كل الطيب
ياجنة عـدن تاريخ مسكونه
يا سمره وشعرها اللـيـل
يالبيهه الخلگ مجنونه مفتونه
مـزيـونـه
يا ام الصبر والويل
يا نخله وعطش يا روح مسحونه
يا آه والم يا ضيم
يا لون الحزن واسرارمدفونه
يا هيبة جبل مشداخ
يا درس النضال ورمزه وفنونه
مـزيـونـه
يا درع الحرب يا سيف
ياشعر العرب يا قيس وجنونه
يابحرالوفه يا حيف
يا حيف الوطن دم تمطر امزونه
صح الگال ذاك الگال
لاتبچين كل حگچ يرجعونه
لاتبچين كل حگچ يرجعونه
مـزيـونـه يا مـزيـونـه
عنوان البريد الإلكتروني هذا محمي من روبوتات السبام. يجب عليك تفعيل الجافاسكربت لرؤيته.