wrapper

أخبار عاجلة

مشيت وياك كل ذيچ المسافات
وتحملنه سوه هموم و مخاطر
ترید نعوف خل نتفارگ احباب
مو لازم حچی یخشن الخاطر
اذا بالك عليه مكدر اليوم
يمكن يصفه بالك على باچر
شکثر عفنه ورانه ربع واحباب
واصحاب اتوسل لا تسافر
علیمن ماجد وغيبان ذبحوا
وبدر محمد وحامد وشاكر
مو غايتنه تتحرر الاحواز
وراية نصر نرفع عالسواتر
چاهسه شجاك تبدلت ليش
مو ذاك الحچی وملگاک فاتر
گالولي تدور على زلات
وتنبش بالقديم من الدفاتر
مو مال الجمعنه وطمع بيزات
جمعنه الوطن عبره وبالحناجر
شنجاوب اهلنه وشنهي الاعذار
واذا نشدنه شنگل للحراير
واذا نشدتك ام ريسان شتگول
گضيناها انانية وتناحر
بعد كافي طفح غيض الشعب فوگ
وما يقبل حچي الناقص الباير
ايد بايد خلوا وامشو جدام
عسير حساب نزلو اعله الضماير
من تمشون خطوه نمشي خطوات
العدونه العنصري الملحد الكافر
فرد صوله نهب هبت الطوفان
وبره شلع حتى البل مقابر
علم نرفع ونكتب هنا الاحواز
هنا ارض البطولة والمآثر
محمدعامر 2

آخر تعديل على الأحد, 29 تشرين2/نوفمبر 2015