طباعة هذه الصفحة

قصیدة (كون انكسّر التابوت)

حزيران/يونيو 13, 2021 74
قيم الموضوع
(0 أصوات)
بدينه نموت 
 
من يوم التعلمنه حچي البسكوت 
 
همس نتهامس اويالناس 
 
بس لا يسمع الطاغوت 
 
بدينه نموت 
 
من يوم الغزانه الخوف 
 
ومْن الخوف گامت بالگلب تتگطع انّه بتوت 
 
من گمنه الغريب انحسبه راعي البيت 
 
وبكيفه شوكت ما راد گام یفوت 
 
واچماله صبح مبخوت
 
هوّه بن العزيزة وهوّه راعي الكوت 
 
واحنه اولاد هاي الگاع نرکض ما نِحَصْلِ الگوت 
 
والماکو اعلی بيبان الصرايف عالگصب منحوت 
 
بدینه نموت 
 
من یوم الحقیقه انبلعت وسيطر عليها الحوت 
 
والباطل تسيطر سيطرة جالوت 
 
كون انغيّر التفكير 
 
كون اعلى الصواب نسير 
 
وابْدرب الكرامه نفوت 
 
ما نقبل مذلّه ولو نريد انعيش 
 
كون انكسّر التابوت 
          ***
إسماعيل الضبي 
              عام ١٣٧٧ش
 
 
 
 
آخر تعديل في الأحد, 13 حزيران/يونيو 2021 21:35