یا اول جسد یتمشه وابلا روح
أنته أجمل کلام المحد إیفســرک

نخلک تاج عزمک والنوارس ماس
من گلب الخلیج أحساسک إیکبــرک

یا دولة فخــر و إبچفک الرایات
أنته إمن المواقف حققت نصــرک

کارونک عذب بس عذبـوه اهواي
بستانک تحـطم وإنگرض شعـــرک

عینک عالدرب گاضیهه تسع إعهود
طارش تنتـظر بالفــوز الیبشــرک

یابو أهلال ضاوي الطفه نوره الجور
او یاسد الغیاره إشحده الیعبــرک

بجدامک دست درب المنایه إبـزود
کوخ الذل رفضته او شیدت قصــرک

طولت إبسجودک یا وطن معذور
محنیلک ظهر و إجدامک إتـعثــرک

بس عزمک جبل مامال ویا الریح
تتوضه إبجروح او نیتک ابشعـرک

گلت الموت إقبـله او لا إطخ للعـار
شگیت الظـلام او بینت فجــرک

الشاعـره عائشه الزرقانیـه