مو كل اسم مهيوب لو يندبونه ولاكل رجل من غاب يتفگدونه......فاضل الأحوازي

كانون1/ديسمبر 17, 2012 2471

مو كل اسم مهيوب لو يندبونه

ولاكل رجل من غاب يتفگدونه

ياما سمعنه اسماء مرت على البال

مثل الدمع من طاح مايحسبونه

اسماء الچبيره اهواي مو گد القياس

مثل الچفن مكروه بس يلبسونه

طلعت اسامي اشكال حمل قطارات

ايغشن سراب بصيف مايشربونه

نضرب مثل وامثال للي يفهمون

والمثل ماينقاس من يضربونه

اسمه الكريم ايكون بس ابخل الناس

لن عنده چم اقران يتمصلحونه

بعض الرجال اجنوس تشبه للارجال

ديرم كحل محفوف ويمكيجونه

و بعض الرجال اوهام تزعج خيالك

منسي مع الاموات ما يذكرونه

ياكثرهيچ اسماء تنبش بالگلوب

مثل الگبر اوكات من ينبشونه

وتصح رجال اليوم اتموّت الموت

يصرخ كفايه ادخيل مايرحمونه

تعشگ وطنهه اتبوس بحبال الاعدام

مثل البطل ريسان ابرز نمونه

هاي الاسامي الحوك يبقن تواريخ

تستاهل ذهب والماس لو ينحتونه

فاض الاحوازي ،،،نموت ويحيى الوطن