عاجل
ام الشهيد علي
من دمع عينچ عرفتچ
من وطنه وبيچ ريحة كل هلي
بيچ ريحة گاعنه وعطرالنخيل
وبيچ كل سكرتمرنه العسلي
بيچ سالوفه اسمها الاحتلال
وعينچ الاف الغصص تحچي الي
تحچي من حزن الذي عايش معاچ،
من ابنچ العدموه و الاسمه علي
تحچي عن ايتام ماشافو حنان
وعن شباب احوازنا وفشگ الصَلي
عن موتة الازهار بحضان الربيع
من توابيت المشن درب الخِلي
زينب انتي وكربلا وراس الحسين
والمصايب فوگ راسچ تنجلي
لفلفيتي النوح عصابة فخر
والصبرماعونه عندچ ينملي
من بطولات المضن عندچ كلام
والبطولات اليجن بس هلهلي
أبشري والنصرقرب موعده
شوفي افعال الزلم وادللي
فاضل الاحوازي
..نموت ويحيى الوطن